健康達人--健康DotCom

靚女果然有着數！樂壇新人吳若希日前獨自到健身室健身，全程獲靚仔教練厚待，貼身指導，難怪操得一身好綫條；不過新人始終未有足夠賺錢能力，仍處於「捱世界」階段的吳若希，健身完肚仔餓，僅能以蛋糕加鮮奶充饑、相當慳家。

有「翻版徐熙媛」之稱的新人吳若希（Jinny）在剛過去的數個樂壇頒獎禮上，連奪多個新人獎項，且無懼低溫晒性感，原來Jinny一直訓練有素。日前她就走進灣仔的一間健身室，極速換上短袖衫短褲便開始健身，此時見有位型男侍候，二人不但有說有笑，即使Jinny踩單車或練器械，型男一直相伴在旁。逗留兩個小時，Jinny才穿回運動服離開，未幾到便利店買蛋糕和鮮奶補充體力。

逼做實力派

記者上前向Jinny打招呼，詢問型男是否其男友？她即大笑否認：「唔好誤會，係教練，佢對每個學生都好用心指導，況且我每星期嚟兩次，係個好學生！」除了健身，Jinny還透露獨門瘦身秘方，就是打理家務和照顧愛犬，「其實執屋同放狗都會用上很大體力，係最佳減肥方法。」女孩子當然想身形健美，擁有一雙長腿的Jinny坦言想保持「長腿姐姐」這美譽。

說到首年參戰樂壇頒獎禮即有收穫，在港台頒獎禮上，更與連詩雅齊齊以性感裝束亮相，搶爆全場，「我哋都係去年女新人，可能大家都性格樂觀、個子又高，外間好多人話我哋路綫相近，其實佢靚女過我好多，所以偶像派留畀佢，我另走實力路綫，故此更加要勤練歌及鍛鍊體魄。」取得佳績可獲老闆獎勵？「能夠得獎係好大嘅認同和鼓勵，之前推出首張唱片銷量都好理想，老闆講咗會有獎勵，我建議老闆畀全公司同事一齊到迪士尼玩，始終自己係新人，為公司賺多啲錢先好意思要老闆花錢。」

節錄自星島日報，2011/2/14